Müqəddəs  Ramazan Bayramı münasibəti ilə, “Dünya Azərbaycanlıların  Həmrəyliyinə Dəstək ” ictimai birliyinin  prezidenti Tofiq Əli-zadənin təşəbbüsü  ilə, təşkilat üzvləri, Səmayə  Baxşəliyeva, Firuzə Əsədullayeva  1 ci Qarabag-Vətən müharibəsində şəhid olmuş Əliyev Valeh xanlar oğlunun anası ,Dürnisə  Əliyevanı ziyarət etdilər. 78 yaşlı şəhid anası olan Dürnisə Əliyeva, gələn qonaqları səmimiyyətlə qarşılayaraq  bildirdi ki. Ramazan  Bayramında  şəhid ailələrini ziyarət etmək cox savab bir işdir. Dürnisə ana dedi ki, oğlu Əliyev Valeh Xanlar oğlu, 1992-1994 cü illərdə 1-ci Vətən müharibəsi zamanı, 1994 il yanvar ayının 22 də, Füzuli rayonu aşağı Seyid Əhmədli kəndi uğrunda gedən ağır döyüşlərdə erməni snayperinin gülləsi nətiçəsində şəhid olmuşdur.Ana dedi  ki, onların Vətən uğrundə gedən döyüşlərdə göstərdikləri qəhrəmanlıqlar, muasir gənclərimiz ücün bir örnək oldu.Buna da subut kimi, 44 günlük müharibədə ordumuzun döyüşlərdə göstərdikləri şücayəti göstərmək olar.Daha sonra  Dürnisə ana  söylədi ki, artıq 1998-ci ildən başlayaraq 25 ildir ki, “Dünya Azərbaycanlıların  Həmrəyliyinə Dəstək ” ictimai birliyinin rəhbəri Tofiq Əli-zadə, daima ailəmizin üzləşdiyi butün problemlərin həllində bizlərə cox yaxından  kömək etmiş və demək olar ki, hər ay bizə baş çəkərək bir şəhid ailəsi kimi bizimlə  əlaqələrini bir anda olsa belə dayandırmayıb və hər dəfə onun vasitəsi ilə,Azərbaycanın tanınmış ziyalıları  evimizin  qonağı olublar.Gələn qonaqlar Tofiq Əli-zadə, Firuzə Əsədullayeva və Səmayə Baxşəliyeva, şəhid anası Dürnisə Əliyevaya igid və qəhrəman oğullar böyütdüyünə görə minnətdarlıq etdilər.Sonda şəhidlərimizin ruhuna dualar oxundu. Dürnisə ana Tofiq Əlizadəyə , onunla gələn ziyalılara diqqət və qaygıya görə minnətdarlığını bildirdi.