Şəkidə avtomobili iribuynuzlu heyvanlara vuran sürücü xəsarət alıb. 

"Vətənim-Azərbaycandır.az" nun məlumatına görə, hadisə axşam saatlarında Yevlax-Zaqatala-Gürcüstan sərhəd magistiral yolunun Şəki rayonu ərazisindən keçən hissəsində baş verib.
Belə ki Beyləqan rayonu Mil qəsəbə sakini 1991-ci il təvəllüdlü Hacıyev Seyidəli İlqar oğlu idarəetdiyi “Opel-Astra” markalı minik avtomobili ilə hərəkətdə olarkən iki baş iribuynuzlu heyvanı vurub.
Qəza nəticəsində heyvanlar tələf olub, sürücü Seyidəli Hacıyev isə aldığı müxtəlif dərəcəli bədən xəsarətləri ilə Şəki Rayon Mərkəzi Xəstəxanasına yerləşdirilib.
Faktla bağlı araşdırma aparılır.