44GUN.ORG
"Azərbaycan Dəmir Yolları" (ADY) QSC-nin Marketinq və tarif siyasəti departamentinin müdiri dəyişib.bununla bağlı ADY sədri Rövşən Rüstəmov müvafiq əmr imzalayıb.
Əmrə əsasən, Heydər Cəfərli Marketinq və tarif siyasəti departamentinin müdiri vəzifəsindən azad olunub. O, ADY-nin törəmə müəssisəsi olan "ADY Express" MMC-nin direktor müavini vəzifəsinə təyin edilib.
Digər əmrlə isə Marketinq və tarif siyasəti departamentinin müdiri vəzifəsinə Məmməd Həmidov təyin edilib.
M.Həmidov 2023-2024-cü illərdə ADY-nin Kommersiya departamentinin müdiri vəzifəsində çalışıb. Son təyinata qədər ADY-nin Bakı Beynəlxalq Dəniz Limanının Kommersiya departamentinin rəisi vəzifəsində fəaliyyət göstərib.
Qeyd edək ki, 2018-ci ildən ADY-də çalışan H.Cəfərli ötən ilin əvvəlindən Marketinq və tarif siyasəti departamentinin müdiri vəzifəsini tuturdu.
Xatırladaq ki, martın 4-də QSC-nin Strategiya departamentinin müdiri Anar Qasımov da vəzifəsindən azad olunub.