44GUN.ORG

Bu gün səhər saatlarında Rusiyanın paytaxtı Moskvada yerləşən əsas hava limanları Vnukovo, Domodedovo, Şeremetyevo və Jukovski uçuşların qəbulu və yola salınmasını müvəqqəti olaraq tamamilə dayandırıb.
bu barədə "Rosaviasiya"nın (Rusiya Federal Hava Nəqliyyatı Agentliyi) rəsmi Telegram kanalı məlumat yayıb.
Bildirilir ki, hava məkanındakı bu məhdudiyyətlər birbaşa mülki uçuşların təhlükəsizliyini təmin etmək məqsədilə tətbiq olunub.
Ötən gecə Ukrayna Silahlı Qüvvələri tərəfindən Moskva istiqamətində irimiqyaslı pilotsuz uçuş aparatları (PUA) hücumu həyata keçirilib. 
Moskva meri Sergey Sobyaninin sözlərinə görə, hava hücumundan müdafiə sistemləri şəhərə yaxınlaşan rekord sayda dronu zərərsizləşdirib.
"Paytaxt istiqamətində vurulan düşmən PUA-larının sayı 180-ə çatıb" - deyə o qeyd edib. 
Onlarla reys təhlükəsizlik bərpa olunana qədər ehtiyat hava limanlarına yönləndirilir və ya gecikir. Təhlükəsizlik Şəhər rəhbərliyi və aviasiya qurumları vəziyyətin nəzarət altında olduğunu, lakin risklərin tam aradan qaldırılması üçün məhdudiyyətlərin hələlik qüvvədə qaldığını bildirib.
Sərnişinlərə aeroportlara yollanmazdan əvvəl reyslərin statusunu mütəmadi olaraq yoxlamaq tövsiyə edilib.