Türkiyənin Malatya şəhərində ikimərtəbəli binanın uçması ilə əlaqədar 1 nəfər saxlanılıb.

“Vətənim-Azərbaycandır.az” Türkiyə mediasına isitnadən xəbər verir ki, saxlanılan şəxs binada təmir işləri aparan iş yerinin sahibidir. O, xəstəxanada müalicədən sonra tutulub. Məlumata görə, uçqundan əvvəl binanın birinci mərtəbəsindəki mağazalarda təmir işləri aparılıb. Təmir zamanı binanın sütunları kəsilib və qəza baş verib. 
Qeyd edək ki, uçqun zamanı 13 nəfər xəsarət alıb. Binada ümumilikdə 20 nəfərin olduğu deyilir. Hazırda axtarış-xilasetmə işləri davam etdirilir.