“Şotiko” ləqəbi ilə tanınan gürcü kriminal avtoritet Şota Tevdoradze Yunanıstanda qətlə yetirilib.

“Vətənim-Azərbaycandır.az” “Praym Kraym”a istinadən xəbər verir ki, Kutaisi şəhərində “qanuni oğrular”ın lideri hesab olunan 41 yaşlı Tevdoradze Afina şəhərində oğlunun gözü qarşısında öldürülüb.
Məlumata görə, insident yanvarın 2-də gecə saat 01:00 radələrində Şota Tevdoradze ailəsi ilə birgə evə qayıdarkən baş verib. 
Naməlum şəxs kriminal avtoriteti başından güllələyib və hadisə yerindən uzaqlaşıb. Hazırda həmin şəxsin axtarışları davam edir. Polis Tevdoradzenin qətlə yetirildiyi yerdə üç giliz aşkar edib.