Daşkənd zooparkında ananın üç yaşlı qızını Zuzu adlı ayının qəfəsinə atmasının görüntüsü yayılıb.

“Vətənim-Azərbaycandır.az” life.ru-ya istinadən xəbər verir ki, ana məhəccərə söykənib ayıya baxan qızını qəfildən aşağı itələyir. Zuzu uşağa yaxınlaşıb onu qoxulasa da, azyaşlıya toxunmur. Zoopark işçiləri dərhal ayını oradan uzaqlaşdıraraq qızı qəfəsdən çıxarır. Azyaşlı hündürlükdən düşmənin nəticəsi olaraq açıq kəllə-beyin travması alıb.
Özbəkistan prokurorluğu anaya qarşı cinayət işi açıb. Onu 15 ildən 25 ilədək və ya ömürlük həbs gözləyir.