Şamaxı rayonu Kələxana kəndində yerləşən 4961 inventar nömrəli “Türbələr kompleksi” (8 ədəd) Nazirlər Kabinetinin 2 avqust 2001-ci il tarixli qərarı ilə dövlət tərəfindən mühafizə olunan daşınmaz tarix-mədəniyyət abidələrinin yerli əhəmiyyətli tarix-memarlıq abidəsi kimi dövlət mühafizəsinə götürülüb.
Bu barədə APA-nın sorğusuna cavab olaraq Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən bildirilib.

• Vətən müharibəsinə həsr olunmuş bəstəkarlıq müsabiqəsi elan olunub
• Mədəniyyət Nazirliyi: Müslüm Maqomayevin heykəli Dənizkənarı Milli Parkda ucaldılacaq
• Millət vəkili: “Xarıbülbül festivalı Azərbaycanın Zəfərinin sülhə töhfə olduğunu bir daha sübut edir”

Qeyd olunub ki, türbələr XVII əsrdə inşa olunub: “Dövlət Xidmətinin abidə mühafizəçiləri tarixi abidələrin təmiz saxlanılması üçün müvafiq tədbirləri görürlər. “Türbələr kompleksi” bərpa edilməsi üçün dövlət büdcəsində dövlət əsaslı vəsait qoyuluşu hesabına tikintisi nəzərdə tutulmuş layihələrin siyahısına salınıb”.